गुण्डा नाइके गणेश लामा दोषी ठहर : १ वर्ष कैद र सम्पत्ति जफत गर्न अदालतको आदेश
आजको खबर | प्रकाशित : २०७५ साउन २४ गते ११:४२
काठमाडौं। गुन्डा नाइके गणेश लामा शुद्धीकरण मुद्दामा दोषी ठहर भएका छन् । विशेष अदालतले लामालाई सम्पत्ति शुद्धिकरण मुद्दामा दोषी ठहर गर्दै बिहीबार सजाय सुनाएको हो ।
लामालाई १ वर्ष कैद, बिगो बमोजिमको जरिवाना र त्यस बमोजिमकै सम्पत्ति जफत हुने फैसला सुनाइएको छ । अदालतका अध्यक्ष बाबुराम रेग्मी, न्यायधिश द्वारिकामान जोशी र रत्नबहादुर बागचन्दको इजलासले लामाको मुद्दा फैसला गरेको हो । लामामाथि १ करोड ४० लाख ५० हजार रुपैयाँ बिगो दाबी गर्दै ५ जेठ ०७० मा मुद्दा दर्ता भएको थियो ।
२०७५ साउन २४ गते ११:४२ मा प्रकाशित