सगरमाथा : विश्वकै सर्वोच्च शिखरमा फोहोरको थुप्रो (तस्विरसहित)

आजको खबर   |    प्रकाशित : २०७५ साउन २५ गते १२:०३

एजेन्सी। विश्वकै सर्वोच्च शिखर सगरमाथा नेपालको एक प्रमुख गन्तव्य स्थल हो। जहाँ वर्षेनी ५० हजार पर्यटक घुम्न आउने गर्दछन्। तर पछिल्लो समय पर्यटनले त्यहाँको वातावरणमा पनि असर पार्दै गइरहेको छ।

त्यहाँ आउने पर्यटकहरुले खाएर फालेका फोहोरहरुको व्यवस्थापनमा पनि चुनौती थपिदैं गएको छ। जसले गर्दा त्यहाँको वातावरणमा नराम्रो असर पर्दै गएको छ।

अहिले सगरमाथा जाने आसपासका क्षेत्रमा फोहोरको अवस्था कस्तो छ ? हालसालै भूवैज्ञानिक ‘एल्टन बाइयर्स’ ले सगरमाथा जाने बाटो आसपासका क्षेत्रको फोटोहरु खिचेका छन्। जहाँ फोहोरको अवस्थालाई प्रष्टसँग देख्न सकिन्छ।

यस विषयमा डेलिमेलमा पनि समाचार प्रकाशन गरिएको छ। डेलीमेलमा प्रकाशित समाचारमा उनले भनेका छन्– सगरमाथा हिमाल वर्षेनी आयोजना गरिने सरसफाई अभियानले गर्दा सोचेको भन्दा सफा छ। तर अन्य स्थानमा भने धेरै मात्रामा फोहोरहरु थुप्रिएका छन्। यद्यपी पर्यटकहरुले फालेका धेरैजसो फोहोरहरु कतिपय जलाइन्छ त कतिपय गाडिने गरेको उनले बताए।

साथै उनले  त्यहाँका स्थानीयहरुलाई पनि फोहोर व्यवस्थापन गर्न समथर भूभागको कमि हुँदै गएको बताएका छन्। वर्षेनी हुने सरसफाई अभियान पनि बेस क्याम्प केन्द्रित हुने भएकोले यसलाई बेसक्याम्प बाहेक अन्य स्थलमा पनि केन्द्रित गर्दै यस्ता कार्यक्रम आयोजना गर्नुपर्ने बताएका छन्।

२०७५ साउन २५ गते १२:०३ मा प्रकाशित

FACEBOOK COMMENTS

Leave a Reply

Your email address will not be published. Required fields are marked *

सम्बन्धित शीर्षकहरु

फिचर