मेस्सीले बनाए अर्को नयाँ रेकर्ड

आजको खबर   |    प्रकाशित : २०७५ भदौ ३ गते ६:२९

एजेन्सी । बार्सिलोनाले स्पेनिश लिगमा अहिलेसम्म छ हजार गोल गरेर रेकर्ड कायम गरेको छ। छ हजार औँ गोल गर्ने खेलाडी चर्चित स्टार लियोनल मेस्सी बनेका छन्।

मेस्सीले क्याप नाउमा बार्सिलोनाका अल्भाससमाथि भएको ३-० गोलको जितका क्रममा ६४ औँ मिनेटमा फ्री किक मार्फत टिमका लागि पहिलो गोल गरे। त्यस्तै इन्चुरी समयको दोस्रो मिनेटमा टिमका तर्फबाट तेस्रो र आफ्नो तर्फबाट दोस्रो गोल गरे।

यसअघि ८३ औँ मिनेटमा बार्सिलोनाका लागि दोस्रो गोल फिलिप कोटिन्होले गरेका थिए। बार्सिलोनाको ५ हजार औँ गोल पनि मेस्सीले नै हानेका थिए। उनले सन् २००९ मा बार्सिलोनाका लागि पाँच हजार औँ गोल हानेका थिए।

त्यस्तै बार्सिलोनाका लागि हजार औँ गोल सन् १९२९ मा माक्रोसले गरेका थिए भने दुई हजार औँ गोल पेड्रो थोमसले सन् १९५० मा गरेका थिए।

त्यस्तै ३ हजार औँ गोल किउनी र ४ हजार औँ गोल गिलेर्मो अमोरले गरेका थिए।

२०७५ भदौ ३ गते ६:२९ मा प्रकाशित

FACEBOOK COMMENTS

Leave a Reply

Your email address will not be published. Required fields are marked *

सम्बन्धित शीर्षकहरु

फिचर