खोला किनारमा महिलाको शव फेला, बलात्कारपछि हत्याको शङ्का
दाङ । देउखुरीमा एक महिलाको शव फेला परेको छ । राप्ती गाउँपालिका–५ पहरुवास्थित दोलाइखोला किनारमा शव फेला परेको इलाका प्रहरी कार्यालय भालुवाङले जनाएको छ ।
आज दिउँसो दोलाइखोला नजिक शव देखेपछि स्थानीय बासिन्दाले प्रहरीलाई खबर गरेका थिए । खोलाले बगाई ल्याएको शवको पहिचान हुन नसकेको प्रहरी जनाएको छ । स्थानीयले बलात्कारपछि हत्या भएको शंका गरेका छन् ।
