रियल प्रेम जोडी सौगात र सृष्टि पहिलो पटक एकसाथ पर्दामा, “मासु भात”मा बाँध्दैछन् जोडी
रियल प्रेम जोडी सौगात मल्ल र सृष्टि श्रेष्ठलाई एकसाथ पर्दामा हेर्ने दर्शकको रहर अब पूरा हुने भएको छ । गएको दुई वर्षदेखि एकअर्काको प्रेममा रमाइरहेका यो कपललाई लिएर निर्देशक सञ्जीव न्यौपानेले फिल्म बनाउन लागेका छन् ।
उत्कृष्ट कथा र भूमिका भेटेको खण्डमा सँगै काम गर्न तयार रहेको बताउँदै आएका सौगात-सृष्टिले फिल्म ‘मासु भात’ मा एकसाथ काम गर्न लागेका हुन् । दुवैले फिल्म साइन गरिसकेका छन् ।
अब पहिलो पटक रियल लभ कपललाई दर्शकले एकसाथ स्क्रिन साझेदारी गरेको हेर्न पाउनेछन् ।
