एउटा ट्याक्सी ड्राइभरले बलात्कार गर्दा पूरा कम्पनी नै बन्द

आजको खबर   |    प्रकाशित : २०७५ भदौ ११ गते ०:४२

चीनमा एक ड्राइभरले बलात्कार गर्दा पूरा कम्पनी नै बन्द गरिएको छ ।

ट्याक्सी सेवा प्रदान गर्ने विशाल कम्पनी डीडी हाइटेकका एक ड्राइभरले एक महिला यात्रीको बलात्कारपछि हत्या गरेको घटना पश्चात ट्याक्सी सेवा प्रदायक कम्पनी डीडी हाइटेकले सेवा अस्थायी रुपमा बन्द गरिदिएको हो।

अधिकारीहरुका अनुसार शुक्रबार सो कम्पनीको ट्याक्सी सेवा लिएकी २० वर्षिया महिलाको ड्राइभरले बलात्कारपछि हत्या गरेका थिए। कम्पनीले घटना पश्चात आफ्नो सेवा प्रक्रियालाई पुनःर्मुल्यांकन गर्नका लागि सेवा बन्द गरेको जानकारी दिएको छ।

कम्पनीले बयानमा भनेको छ, ‘यस घटनाबाट के बुझिन्छ भने हाम्रो उपभोक्ता सेवा प्रक्रियामा केहि खराबी छ।’

कम्पनीले डीडी हाइटेकको उप–प्रमुखलाई समेत बर्खास्त गरिसकेको छ। यसअघि केहि महिना अघिमात्र चीनमा यस्तै घटना घटेको थियो।

मे महिनामा चीनको जेंगझाउमा २१ वर्षिया महिलाको समेत ड्राइभरले बलात्कार गरेका थिए। घटना पश्चात डीडी चुसिङ नाम भएको उक्त कम्पनीको नाम डीडी हाइटेकमा परिवर्तन भएको थियो। एजेन्सी

२०७५ भदौ ११ गते ०:४२ मा प्रकाशित

FACEBOOK COMMENTS

Leave a Reply

Your email address will not be published. Required fields are marked *

सम्बन्धित शीर्षकहरु

फिचर