कञ्चनपुरमा फेरि किशोरीको सामूहिक बलात्कार

आजको खबर   |    प्रकाशित : २०७५ भदौ १६ गते १:२७

कञ्चनपुर । कञ्चनपुर बेलडाँडी गाउँपालिका–१ का अन्दाजी १५ वर्षीया एक किशोरीमाथि बलात्कार भएको छ ।

तेह्र वर्षीया किशोरी निर्मला पन्तको बलात्कारपछि हत्या भएको घटना सेलाउन नपाउँदै बिहीबार राति २ बजेको समयमा ती किशोरीको बलात्कार भएको जिल्ला प्रहरी कार्यालय कञ्चनपुरका प्रहरी उपरीक्षक कुवेर कडायतले बताए ।

किशोरीको घरमा पूजा चलिरहेका बेला पूजामा सहभागी हुन मोटरसाइकलमा आएका चार जना युवाले फोन गरी उनलाई सडकमा बोलाए परिवालाई उद्धृत गर्दै उनले भने, ‘जबर्जस्ती मोटरसाइकलमा लगेर जवदिया पु¥याएर बलात्कार गरिएको छ ।’

‘किशोरीको भनाइअनुसार एक जनाले मात्रै बलात्कार गरेको भनेको छ’, प्रहरी उपरीक्षक कुवेर कडायतले भने, ‘सहमतिमै भए पनि उमेर नपुगेकाले बलात्कार नै ठहर्छ ।’ किशोरीलाई जबर्जस्ती मोटरसाइकलमा राखेर लगेको परिवारले थाहा पाएपछि तत्कालै प्रहरीलाई खबर गरेका थिए । प्रहरीले शुक्रबारबिहान मात्रै किशोरीको उद्धार गरेको छ ।

घटनामा संलग्न दुई जनाको पहिचान खुलेको र बाँकी दुई जनाको पहिचान खुल्न बाँकी रहेको प्रहरी उपरीक्षक कडायतले बताए । किशोरीको महाकाली अञ्चल अस्पतालमा स्वास्थ्य परीक्षण गराउने तयारी गरिएको छ ।रासस

२०७५ भदौ १६ गते १:२७ मा प्रकाशित

FACEBOOK COMMENTS

Leave a Reply

Your email address will not be published. Required fields are marked *

सम्बन्धित शीर्षकहरु

फिचर