भारतीय पूर्व प्रधानमन्त्री देवेगौडा नेपालमा, पशुपति पुगेर गरे पुजाआजा
आजको खबर | प्रकाशित : २०७५ भदौ २२ गते ६:३१
काठमाडौं। भारतका पूर्व प्रधानमन्त्री एचडी देवेगौडा नेपाल आएका छन् । उनी निजी भ्रमणको लागि नेपाल आएको बताइएको छ । नेपालका विभिन्न धार्मिक स्थलहरु दर्शन गर्ने क्रममा उनी यहाँ आएका हुन् । देवेगौडाले आज पशुपति पुगेर पुजा अर्चना गरेका छन् ।
देवेगौडा भारतका ११ औं प्रधानमन्त्री हुन् । उनी १ जून १९९६ मा भारतको प्रधानमन्त्री भएका थिए । उनको कार्यकाल भने निकै छोटो रह्यो । ११ महिनापछि नै ११ अप्रिल १९९७ मा उनले प्रधानमन्त्री पदबाट राजीनामा दिएका थिए ।
सबै तस्वीर : आर्यन धिमाल
२०७५ भदौ २२ गते ६:३१ मा प्रकाशित