भारतीय सेनाले देखाए यस्तो चर्तिकला, चौतर्फी विरोध
एजेन्सी । भारतीय सेनाको एक कदमले उसेको जताततै विरोध भएको छ । भारतीय सेनाका जवानले काश्मिरमा मारेका एक आतंकवादीको शव सडमा घिसारेको तस्वीर सार्वजनिक भएसँगै त्यसको विरोध भएको हो ।
तस्वीर सामाजिक सञ्जालमा भाइरल बनेपछि भारतस्थित विभिन्न मानवअधिकारवादी तथा राजनीतिक दलले त्यसको विरोध गरेका छन् ।
हालै काश्मिरमा गरिएको एक अप्रेसनमा ३ जना आतंकवादी मारिएको भारतीय सञ्चारमाध्यमले जनाएका छन् ।
सो अप्रेसनमा १२ जना सुरक्षाकर्मी पनि घाइते भएको जनाइएको छ । अप्रेसनपछि प्राप्त आतंकवादीको एक शवलाई सेनाका जवानले सडकमा घिसारेमा थिए ।
त्यसको विरोध कश्मिरका विभिन्न दलले गरेका छन् । उनीहरुले सेनाको यो हर्कत लज्जास्पद भएको बताएका छन् । उनीहरुले मरिसकेको मानिसलाई सम्मान गर्नपर्नेमा सेनाले गैरमानवीय काम गरेको बताएका छन् ।
उनीहरुले यस्तो गतिविधिले मर्नेको परिवारमा पीडा थपेकोसमेत बताएका छन् ।
