बलात्कार गर्न लागेका अपराधीको दिमागमा चल्छन् यस्ता कुरा
काठमाडौं। बलात्कारका घटना घटाउनको लागि मान्छेको सोचाइमा परिवर्तन गर्नुपर्ने भन्दै विभिन्न सोच परिवर्तनका कार्यक्रमहरु गरिए पनि बलात्कारका घटना हाम्रो समाजमा अझैसम्म पनि कम हुन सकेका छैनन् । बलात्कारका घटना कसरी घटाउन सकिन्छ भन्ने विषयमा निरन्तर खोज तथा अनुसन्धान पनि भइरहेका छन् ।
यही क्रममा बेलायतमा गरिएको एउटा अनुसन्धानले बलात्कारीको सोचाइको विषयमा विभिन्न तथ्यहरु पत्ता लगाएका छन् । बेलायतको एंजिल रस्किन युनिभर्सिटीकी एक शोधार्थी मधुमिता पाण्डेयले आफ्नो शोधको लागि गरेको अध्ययनको नतिजा सार्वजनिक गरेकी छिन् । अपराध विज्ञानकी विद्यार्थी मधुमिताले जेलमा सजाय काटिरहेका बलात्कारीहरुसँग गरेको कुराकानीका आधारमा यो अध्ययनको नतिजा तयार पारेकी हुन्।
अध्ययनका अनुसार अधिकांश बलात्कारीहरुको मनमा आफ्नो अपराधप्रति आत्मग्लानी थिएन । उनीहरुमध्ये अधिकांश अशिक्षित र असामाजिक थिए । उनीहरुको लागि महिला मात्र भोगको वस्तु थिए । उनीहरुको सोच थियो – महिलाहरु मात्र मनोरञ्जनका साधन हुन् । उनीहरुको भोग गरेर फलिदिनुपर्छ । यस्ता अवराधीहरु अपराध गरिसकेपछि अरुको मनमा आफूप्रति दयाको भावना पैदा गर्न खोज्छन् उनीहरु आफैंलाई अरुको अगाडि बिचरा देखाउन खोज्छन् । हाम्रो समाजमा यौनको शिक्षा नहुनु यसको मुख्य कारण हो । हाम्रो समाजमा यौनम्बन्धी कुराहरु खुलेर गरिख्दैन जसका कारण बढी उत्सुकता भएपछि बलात्कारका घटना बढिरहेका छन्।
