प्रियंका र दीपिकापछि हलिउड जाँदै टाइगर

आजको खबर   |    प्रकाशित : २०७५ असोज ५ गते १३:१४

एजेन्सी। प्रियंका चोपडा र दीपिका पादुकोणपछि अब हलिउडमा जाने पालो टाइगर श्राफको हो। मुम्बई मिररका अनुसार हलिउड फिल्म सीरीज मार्टल कम्बेटका निर्माता लरेन्स केसेनाफ हलिउडबाट मुम्बई आएका थिए।

उनी बलिउड आउनु पछाडिको कारण टाइगर श्राफ रहेको बताइएको छ। लरेन्स टाइगरसँग आफ्नो नयाँ प्रोजेक्टका विषयमा कुरा गर्न बलिउड आएका हुन्।

बलिउडका चर्चित भिलेन गुलशन ग्रोवरका छोरा संजय ग्रोवर पनि यो प्रोजेक्टमा काम गर्दैछन्। भारतीय संचारमाध्यमका अनुसार यो प्रोजेक्टसँग विगत एक वर्षदेखि जोडिएका संजयले नै लरेन्सलाई टाइगरको नाम सिफारिस गरेका थिए।

टाइगर र संजय स्कुलमा सँगै पढेका थिए। र लरेन्सले जब संजयलाई नयाँ स्क्रिप्ट सुनाए तब उनले नयाँ अनुहारको नाम सिफारिस गरे, जसमध्ये पहिलो नाम टाइगरको थियो।

संचारमाध्यमका अनुसार लरेन्स र उनको टीम टाइगरसँग भेटेर निकै प्रभावित भएको छ। उनीहरुलाई टाइगरको इन्टरनेशनल लुक मात्र होइन, मार्शल आर्टस्मा ट्रेण्ड हुनु पनि प्लस प्वाइन्ट भयो। त्यसो त टाइगर बलिउडमा पनि निधै व्यस्त छन्। उनी चाँडै करण जोहरको फिल्म ‘स्टूडेन्ट आफ द इयर–२’ मा देखिँदैछन्।

२०७५ असोज ५ गते १३:१४ मा प्रकाशित

FACEBOOK COMMENTS

Leave a Reply

Your email address will not be published. Required fields are marked *

सम्बन्धित शीर्षकहरु

फिचर