अर्को वर्ष बिवाह गर्दै सलमानकी भाउजु मलाइका र अर्जुन कपुर
काठमाण्डौ । बलिउडको एक लभ कपल चाँडै विवाहको मिति घोषणा गर्ने तयारीमा छन् । अहिलेसम्म मिडियासँग लुकामारी गर्दै आएका लभ बर्ड्स मलाइका अरोडा र अर्जुन कपूर चाँडै आफ्नो सम्बन्धलाई विवाहमा परिणत गर्दैछन् ।
खबरका अनुसार, उनीहरु चाँडै आफ्नो विवाहको औपचारिक घोषणा गर्दैछन् र विवाह बन्धनमा बाँधिनेछन् । गएको मंगलवार मलाइकालाई आफ्नो ब्वाईफ्रेण्डसँग एयरपोर्टमा स्पोट गरिएको थियो । दुबै इटलीबाट मलाइकाको ४५ औं जन्मदिन सेलिब्रेट गरेर फर्किएका थिए ।
उनीहरुले केही दिन अगाडि एक टिभी शोमा पनि एकसाथ हात समातेर ईन्ट्री लिएका थिए भने रियलिटी टिभी शो ‘इन्डियाज गट ट्यालेन्ट-८’ मा एकसाथ डान्स गरेका थिए ।
