गढीमाईमा छठघाट बनाउने विषयमा कुरो नमिल्दा स्थानीयबीच कुटाकुट
कलैया । छठ पर्व नजिकिँदै गर्दा पर्वका लागि छठघाट बनाउने बिषयमा विवाद हुँदा स्थानीयबीच कुटाकुट भएको छ। कुटाकुटमा परी ११ जना स्थानीय घाईते भएका छन्।
महागढीमाई नगरपालिका वडा नम्बर १ मा रहेको गढीमाई मन्दिर उत्तरतर्फको सार्वजनिक जग्गामा छठघाट बनाउने बिषयमा कुरा नमिल्दा मथुवा र कचहरिया टोलका वासिन्दाबीच झडप भएको हो।
विवादपछिको उक्त झडपमा परी मथुवाका ८ र कचहरीया टोलका ३ जना घाइते भएका छन्। घाइतेमध्ये मथुवा टोलका मोतीलाल कुशवाहा, राजन कुशवाहा र मुकेश कुशवाहाको अवस्था गम्भीर छ। छठ पूजाका लागि दुवै टोलका स्थानीयले एकै जग्गामा छठघाट बनाउने तयारी गरेपछि विवाद भएको प्रहरीले जनाएको छ।
