दुई करोडको लागतमा स्वास्थ्यचौकी भवन निर्माण

आजको खबर   |    प्रकाशित : २०७५ कार्तिक २८ गते ४:३०

पाल्पा, । माथागढी गाउँपालिका–२ रुप्सेमा स्वास्थ्यचौकी भवन निर्माण गरिएको छ । रु दुई करोड सात लाखको लागतमा दुई तले भवन निर्माण गरिएको हो ।

बीस कोठा, चार शौचालय र एक हलसहितको सुविधासम्पन्न भवन निर्माण भएपछि काम गर्न सहज भएको छ । विसं २०७२ मा सो भवन निर्माण शुरु गरिएको थियो । स्वास्थ्यचौकी भवन निर्माण भएसँगै गाउँपालिकाले बर्थिङ सेन्टरसमेत सञ्चालनमा ल्याएको छ । भवन र बर्थिङ सेन्टरको पूर्व भूमिसुधारमन्त्री एवं सांसद दलबहादुर रानाले उद्घाटन गरे ।

गाउँपालिकाले बर्थिङ सेन्टरसहितको आधारभूत स्वास्थ्य सेवा प्रदान गरेपछि वडावासी खुशी छन् । प्रसूति सेवाका लागि सदरमुकाम तानसेनको युनाइटेड मिसन अस्पताल र प्रभाषको लुम्बिनी मेडिकल कलेज धाउनुपर्ने समस्या थियो । भवन निर्माण पछि स्वास्थ्यकर्मीलाई काम गर्न सहज हुनुका साथै महिलाले प्रसूति सेवा लिन अन्यत्र धाउनुपर्ने बाध्यता हटेको छ ।

२०७५ कार्तिक २८ गते ४:३० मा प्रकाशित

FACEBOOK COMMENTS

Leave a Reply

Your email address will not be published. Required fields are marked *

सम्बन्धित शीर्षकहरु

फिचर