ओमनमा सुतिरहेकै अवस्थामा अस्ताए एक नेपाली युवा
मस्कट । वैदेशिक रोजगारीको लागि ओमन आएका एक नेपाली युवाको ज्यान गएको छ ।
करिब १४ महिना अगाडि सरसफाइ मजदुरका रुपमा आएका प्युठानका ३२ वर्षीय रुम बहादुर घर्ती मगरको बिहीवार राति सुतिरहेकै अवस्थामा मृत्यु भएको हो ।
मस्कटस्थित ओमन टावस कम्पनीको क्याम्पका सुतिरहेको अवस्थामा रातको ४ बजे उनको मृत्यु भएको हो । उनको मृत्युको कारण हृदयघात हुन सक्ने आशंका गरिएको छ।
उनको परिवारमा २ छोराछोरी र बुवामात्रै रहेको बुझिएको छ ।
