भूवन केसीको दोहोरो भूमिका रहेको चलचित्र ‘मिष्टर नेपाली’को ट्रेलर सार्वजनिक
काठमाडौं। कार्तिक २९ गतेदेखि प्रदर्शनमा आउने तयारीमा रहेको नेपाली कथानक चलचित्र ‘मिष्टर नेपाली’को ट्रेलर सार्वजनिक गरिएको छ।
बिहीबार ओएसआर डिजिटलको युट्युब च्यानल मार्फत चलचित्रको ट्रेलर सार्वजनिक गरिएको हो। सार्वजनिक ट्रेलरमा राष्ट्रभाव, सामाजिक सन्देशसंगै द्धन्द्ध र कमेडीको समिश्रण छ।
देव भुषालको कथा, पटकथा तथा निर्देशनमा तयार भएको चलचित्रको ट्रेलरमा अभिनेता भूवन केसीलाई दोहोरो भूमिकामा देख्न सकिन्छ। ट्रेलरमा उनि भिलेनको रुपमा पनि देखिएका छन्। त्यस्तै नव–अभिनेता साहिल श्रेष्ठ, नव–अभिनेत्री कुसुम राउत, कलाकारहरु सरोज खनाल, विष्णु सापकोटा, रवी डंगोल लगायत ट्रेलरमा देखिएका छन्।
देवचुली फिल्मस्को ब्यानरमा निर्माण भएको चलचित्रमा प्रेमराज दाहालको लगानी छ। विदेशमा बस्ने नेपालीको देशप्रतिको माया, गाउँमा राजनीतिको आडमा हुने शोषण आदिलाई चलचित्रले प्रस्तुत गरेको छ।
निरज कँडेलको छायांकन, सुवास भुषाल र दिपक शर्माको संगीत रहेको चलचित्रमा कविराज गहतराजको कोरियोग्राफी छ। चलचित्रमा रीमा विश्वकर्मा, कमलमणी नेपाल, सुरेन्द्र केसी, नन्दु श्रीवास्तव लगायतका कलाकारहरुको समेत अभिनय छ।
हेर्नुहोस् ट्रेलर :
