फ्याक्ट्रीमा लागेको आगोका कारण १९ जनाको मृत्यु
हाङझोउ । चीनको पूर्वी क्षेत्रस्थित झेजिआन प्रान्तको निङ्बो शहरमा एक फ्याक्ट्रीमा लागेको आगोमा परी कम्तीमा १९ जनाको मृत्यु भएको स्थानीय अधिकारीले सोमबार जानकारी गराएका छन् ।
निङ्हाई जिल्लाको उक्त शहरमा रहेको आधारभूत आवश्यकताका सामग्रीहरू उत्पादन गर्ने उक्त फ्याक्ट्रीमा आइतबार दिउसो १ः२० मा आगलागी भएको हो ।
आगलागीका कारण केही ब्यक्ति घाइते भएका र सोमबार विहानसम्म १९ जनाको मृत्यु भएको पुष्टि स्थानीय प्रशासनले गरेको छ ।
