मानार्थ मिसेस नेपाल इन्टरनेशनलको उपाधि नायिका करिश्मालाई
काठमाडौं। अभिनेत्री करिश्मा मानन्धरलाई आजीवन मानार्थ मिसेस नेपाल इन्टरनेशनल उपाधिद्वारा सम्मान गरिएको छ।
रिवन इन्टरटेनमेन्ट प्रालिले विवाहित महिलाकाबीच आयोजना गर्दै आएको अहिलेसम्मकै ठूलो सौन्दर्य प्रतियोगिता ‘सन्तुर मिसेस नेपाल इन्टरनेसनल २०१९’मा अभिनेत्री मानन्धरलाई सो उपाधिद्वारा सम्मान गरिएको हो। प्रतियोगीतमा गैरसरकारी संस्थामा कार्यरत महेन्द्रनगरकी स्तानाकोत्तरकी विद्यार्थी भाविषा कोइराला चटौतले पाँचौ मिसेस नेपाल इन्टरनेशनलको उपाधि चुमेकी छिन्। उनले स्कुटर पुरस्कार जितेकी छन्।
शनिबार राजधानीको कमलादिस्थित नेपाल प्रज्ञा प्रतिष्ठानमा भव्य समारोहका साथ सम्पन्न प्रतियोगिता अभिनेत्री मानन्धरलाई क्राउन र मानार्थ मिसेस नेपाल इन्टरनेशनलको स्यास पहिराउँदै शुरु गरिएको थियो।
समारोहमा पूर्व प्रधानसेनापती रुक्मागंत कटुवाल र अभिनेता राजेश हमालले अभिनेत्री मानन्धरालाई क्राउन र स्यास पहिराई दिएका थिए। समारोहमा प्रतियोगिता पांचौ वर्षमा पुगेको अवसरमा पत्रकार विदुर गिरी, शिक्षाविद् पूर्ण लामा, गायक सिताराम पोखरेल र मिस नेपालका आयोजक गोपाल सुन्दर लाल कक्षपतिलाई रिवन अनर अवार्डबाट सम्मानित गरिएको थियो।
विभिन्न पेशामा आवद्ध ३० विवाहित महिलाकाबिच सम्पन्न प्रतियोगितामा प्रतियोगितामा महोत्तरीकी स्त्री रोग विशेषज्ञ रंगीना लाईकंग्बम एमएस नेपाल इन्टरनेसनल २०१९ भएकी छिन्।
उनले लेडी विथ कम्प्यासनको उपाधिलाई पनि आफ्नो बनाइन्। भाविषा र रंगीनाले उपाधि जितेवापत सिंगापुरमा हुने मिसेस इन्टरनेशनलमा नेपालको प्रतिनिधित्व गर्ने अवसर प्राप्त गर्नेछन्।
पूर्व प्रधान सेनापती रुकमाङ्गद कटुवाल प्रमुख निर्णायक तथा मिस नेपालका आयोजक गोपाल सुन्दर लाल कक्षपति, अभिनेता राजेश हमाल, मिसेस नेपाल इन्टरनेसनल २०१५ सबिता लामिछान, मिस नेपाल २०१५ इभाना मानन्धर र गायक डा। आभास लाभ निर्णायक रहेको प्रतियोगितामा रोजिना भट्टराई फस्र्ट रनर्सअप, स्नेहा राउत थापा सेकेन्ड रनर्सअप र बेस्ट पर्सनालिटी, शबनम खरेल थर्ड रनर्सअप र बेस्ट ¥याम्प वाक, शिल्पी गुप्ता फोर्थ रनर्सअप र मेनेजमेन्ट च्वाईस, कुश्मा देवी खाँड़ मल्ल मष्ट पपुलर र मस्ट फ्रेण्डली तथा आश्मा तामाङ पब्लिक च्वाईस र मस्ट गर्जियस भएका छन्।
अश्विनी झाको कोरियोग्राफी र कार्यक्रम सञ्चालनमा सम्पन्न प्रतियोगितमा सुशीला श्रेष्ठ मस्ट क्रीयटिभ, सरस्वती बुढ़ाथोकी बेस्ट ग्लोइङ स्किन, रूपा शाह बेस्ट हेयर, इन्दिरा रानाभाट ब्यूटिफुल स्माइल, सन्ध्या घिमीरे मल्टीमीडिया च्वाईस, एलिजा महत यूट्यूब बेस्ट भ्यूज,सृजना पाण्डे मष्ट ट्यालेन्टेड, प्रतिमा ज्ञवाली म्यानेजमेन्ट च्वाईस, बिना जोशी चन्द मोस्ट ब्यूटीफूल, प्रतिमा मल्ल बेस्ट डान्सर, नम्रता शर्मा मोस्ट ऐक्टिव, सबीना चालीसे मिसेस कंजीनीयलिटी, नीरा तामाङ सोशल्ली एक्टिभ, सुशीला भट्ट मिसेस फोटजेनिक र बिमला केसी लेडी विथ पर्पस भएका छन्।
रमाईलो एचडीको सहकार्य र निशुकान्त झाको निर्देशनमा भएको समारोहमा लक्ष्मी थापा श्रेष्ठले नृत्य र मनोहर सुनामले सेक्साफोन वादनबाट मनोरञ्जन प्रदान गरेका थिए। कार्यक्रममा प्रतियोगिताका सहभागीहरुले ७ प्रदेशको झल्को गर्ने गरी नृत्य प्रस्तुत गरी सबैको मन जितेका थिए।
