त्रिभुवन अन्तराष्ट्रिय विमानस्थलबाट फेरी सुन तस्करी, आधा किलो सुनसहित पक्राउ परे आलम
आजको खबर | प्रकाशित : २०७५ साउन २२ गते ६:५४
काठमाडौं । त्रिभुवन अन्तराष्ट्रिय विमानस्थलबाट तस्करी भएर आएको करिब आधा किलो सुनसहित एक युवक पक्राउ परेका छन् ।
वैदेशिक रोजगारीका लागि विदेश गएका कामदारले ल्याएको सुनसहित सुनसरी घर भएका फैयाज आलमलाई महानगरीय प्रहरी वृत्त गौशालाले पक्राउ गरेको हो । उनीबाट सुनका ७ वटा चुरा र ५ वटा बेरुवा औंठी बरामद गरेको छ ।
सुनको गहनाको तौल ४५७ ग्राम रहेको छ । बरामद सुनका मूल्य २१ लाख ९४ हजार रुपैयाँ छ । पक्राउ परेका आलमलाई प्रहरीले भन्सार कार्यालयमा बुझाएको छ ।
विमानस्थलबाट सुन तस्करी भईरहेको गोप्य सूचनाका आधारमा गत शनिबार प्रहरी टोलीले गोल्डेनगेटस्थित सडक खण्डमा शंकास्पद रुपमा हिँडडुल गरिरहेका २८ वर्षीय आलमलाई सुनका गहनासहित नियन्त्रणमा लिएको हो ।
२०७५ साउन २२ गते ६:५४ मा प्रकाशित