श्राद्धको लागी १२ बोका कता हराए ? गोश्वाराबाट बोका जान्छ तर भान्सा रित्तै
काठमाडौं :कुनै समय बोकाकै माशु खान भएपनी तत्कालीन प्रधानमन्त्री रणोद्दीप सिंहको श्राद्धमा पुग्ने मानिसको संख्या अहीले घट्दो छ । हरेक वर्ष श्राद्धमा पकाउने १२ वटा बोका श्राद्ध खान आउने पाहुनाको पेटमै पुग्दैन। मासुको व्यवस्था नभएपछि श्राद्धमा प्रसाद खान आउने पनि घटिरहेका छन्। गोरखापत्र दैनिकका अनुसार दैनिक ३० जनाका लागि दालभात, तरकारी, अचार तयार हुँदै आएको छ।
श्राद्ध भोजनमा १२\१३ जना मात्र आउने गरेका छन्। बज्रघरका पाले ऋषिराम चालिसेले भोजन गर्न आउनेको संख्या घट्दै गएको सोहीघरका सरोकारवाला पञ्चनाायण महर्जनलाई गरेका छन्। उनका अनुसार पहिले पहिले वर्षमा १२ वटा बोका श्राद्धको चुह्लोमा पाक्थे।
अहिले यी बोका कसले खान्छ थाहा छैन। श्राद्धकर्ता पशुपति गुठी गोश्वारा कार्यालयले श्राद्धको बोका भने गोश्वाराबाट निकासी भइरहेको जानकारी दियो। ‘गोश्वाराबाट बोका जान्छ तर भान्सामा किन पाक्दै थाहा छैन’, गोश्वाराका पर्व हेर्ने कर्मचारी चेतमान गिरीले भने। भान्सामा दालभात पनि स्वादिष्ट नपाक्ने भएकाले असाध्यै भोकाएकाहरू मात्र श्राद्धस्थलमा पस्छन्।
