झारफुक गर्ने बहानामा किशोरीलाई बलात्कार गर्ने ७५ वर्षिय वृद्ध पक्राउ
चितवन। पूर्वी चितवनको रत्ननगरमा १५ वर्षीया किशोरीलाई झारफुक गर्ने बहानामा जबर्जस्ती करणी गरेको अभियोगमा रत्ननगर नगरपालिका–११ मङ्गलपुरका ७५ वर्षीय सुकवीर तामाङ पक्राउ परेका छन् ।
किशोरीका अनुसार वृद्धले आफुलाई झारफुक गर्ने बहानामा जबर्जस्ती गर्नाका साथै एउटा जन्तरसमेत लगाउन दिएको र त्यो लगाएपछि आफू उसैप्रति आर्कषित हुँदै आएको र त्यसको फाइदा वृद्धले उठाएको बताइन् । पीडित किशोरीको बयान अनुसार वृद्धलाई नियन्त्रणमा लिइएको टाँडीस्थित इलाका प्रहरी कार्यालयका प्रहरी नायब उपरीक्षक दयानिधि ज्ञवालीले जानकारी दिए । बुधबार पीडित किशोरीले आफूलाई विभिन्न टुनामुना लगाएर पटक–पटक बलात्कार गरेको भन्ने उजुरी दिएकीले वृद्धलाई नियन्त्रणमा लिइएको उनले बताए ।
