‘निशानलाई अपहरणपछि राति नै घाँटी थिचेर मारियो’
आजको खबर | प्रकाशित : २०७५ साउन २३ गते ०:२७
काठमाडौं । अपहरण पछि हत्या गरिएका ११ वर्षीय बालक निशान खड्काको पोष्टमार्टम रिपोर्टले उनलाई अपहरण गरेकै दिन राति घाँटी थिचेर हत्या गरिएको पुष्टि गरेको छ ।
काठमाडौंको काँडाघारीबाट अपहरित बालकको घाँटी थिचेर हत्या गरिएको निष्कर्ष पोष्टमार्टमबाट निस्किएको छ । त्रिवि शिक्षण अस्पताल, महाराजगञ्जले गरेको पोष्टमार्टम रिपोर्टले अपहरणकारीले बालकको घाँटी थिचेर हत्या गरेको देखाएको हो ।
आइतबार साँझ काँडाघारीबाट ११ वर्षीय बालक निशान अपहरणमा परेका थिए । तर, प्रहरीले बालकको खोजी थालेको ८ घण्टा वित्न नपाउँदै बालकको हत्या भएको थियो ।
अपहरणकारीले बालकको घाँटी थिचेर हत्या गरेको पुष्टि भएको महानगरीय अपराध अनुसन्धान महाशाखाका प्रमुख एसएसपी धिरजप्रताप सिंहले बताए । उनले राति ११ देखि १२ बजेको समयमा बालकको हत्या भएको देखिएको बताए ।
२०७५ साउन २३ गते ०:२७ मा प्रकाशित