गजल -‘जे पर्ला जोड्छु नाता प्यार कहाँ छ’- प्रकाश पाक्साँवा
आजको खबर | प्रकाशित : २०७५ असोज १७ गते २:२२
फुट्न खोज्छ मुटु, आधार कहाँ छ
जे पर्ला जोड्छु नाता, प्यार कहाँ छ।
तिम्रै अभावमा, पागल भइदिदाँ म
सम्हालिने मनमा, समाचार कहाँ छ।
पत्थर हैन मेरो मन, भन्थ्यौ सधै सधैं
सपनामा रम्ने मन, सदाबहार कहाँ छ।
रुन्न होला त्यो मन, म आसुँमा तैरिदाँ
मेरो खूशी फुल्ने, फुलमती झार कहाँ छ।
प्रकाश पाक्साँवा
तेह्रथुम
२०७५ असोज १७ गते २:२२ मा प्रकाशित