गजल–‘सन्तान भएर नि छोरोले अपुतो बनाइ दियो’–गीता स्मृति कठायत
प्रेमको परिभाषा सोधेको यसरी बताइ दियो
उसले इसारामै राधाकृष्ण फोटो देखाइ दियो
कसलाई थाहा छ यो आँखा भित्रको क्षेत्रफल
लाखौंका सपना करोडौंका रहर अटाइ दियो
यसरी जाती बनाउन सकिन्छ र मनको घाउ
पहिला चिरा लगायो त्यसपछि सिलाइ दियो
कुपुत्र हुनु भन्दा त पुत्र नहुनु नै जाती हुन्छ
कमाएको यही नाम हो माटोमा खन्याइ दियो
छ, छोरो छ नाती छ बुहारी छ भएर के गर्नु
सन्तान भएर नि छोरोले अपुतो बनाइ दियो।।
