गजल-‘दोषी घरमा छ निर्दोष अदालतमा छ’-चक्र मिलन
आजको खबर | प्रकाशित : २०७५ मंसिर १५ गते ५:०९
मेरा पू्र्खाको गौरव मन अनि रगतमा छ
यो देश वीर गोर्खालीको हिफाजतमा छ ।
वा क्या गज्जब छ मेरो देशको कानुन
दोषी घरमा छ निर्दोष अदालतमा छ ।
आउ वीर यौद्धाहरु मातृभूमि बचाउ
जनता बेखबर छन् देश विपतमा छ ।
राजधानी झैं सम्पन्न छ नसोच्नु सरकार
मेरो सुदूरमा बाटो छैन अझै विकटमा छ।
दुनियाँ मंगल ग्रहमा पुगिसक्दा पनि
मेरो देश अझैपनि अरुकै जफतमा छ ।
चक्र मिलन
दिपायल सिलगढी नगरपालिका ९, कलेना, डोटी
२०७५ मंसिर १५ गते ५:०९ मा प्रकाशित