प्रिमियर लिग क्लब वेष्ट ह्याममा गोलकिपर दुई महिना मैदान बाहिर रहने
एजेन्सी । इन्ग्लिश प्रिमियर लिग क्लब वेष्ट ह्याममा गोलकिपर लुकास्ज फाबियान्सकी दुई महिना मैदान बाहिर रहने भएका छन् ।
हिप इन्जुरीको कारण वेष्ट ह्यामका पहिलो रोजाईका किपर फाबियान्सकी कम्तिमा दुई महिना मैदान बाहिर रहने भएका हुन् ।
फाबियान्सकीले शनिबार बर्नेमाउथविरुद्धको खेलमा चोट बोकेका थिए । उक्त खेल २-२ गोलको बराबरीमा सकिएको थियो । फाबियान्सकी चोटका कारण खेलको ३४ औं मिनेटमा मैदानबाट बाहिरिएका थिए ।
