भारतको काश्मिरमा छ जना लडाकू मारिए
आजको खबर | प्रकाशित : २०७५ पुष ७ गते ८:४१
नयाँदिल्ली । भारतीय सुरक्षा फौजको कारबाहीमा भारत नियन्त्रित काश्मिरमा छ जना लडाकू मारिएको सुरक्षा स्रोतले जनाएको छ ।
सेनाका अनुसार पुल्वामा जिल्लाको अवन्तीपोरा भन्ने ठाउँमा भएको भिडन्तमा ती व्यक्ति मारिएका हुन् । सुरक्षाकर्मीहरुले घटनास्थलबाट हातहतियार तथा विभिन्न बन्दोबस्तीका सामग्री पनि बरामद गरेको छ ।
लडाकूहरु लुकेर बसेको भन्ने विश्वसनीय सूचनाका आधारमा अवन्तीपोरामा शनिबार बिहानै खोज कारबाही गरिएको थियो । उनीहरुले सुरक्षाकर्मीमाथि आक्रमणको प्रयास गरेका थिए । मारिएका लडाकूको पहिचान खुल्न नसकेको सेनाले जनाएको छ ।
२०७५ पुष ७ गते ८:४१ मा प्रकाशित