कुवेतमा एक नेपालीको निधन
आजको खबर | प्रकाशित : २०७६ असार १२ गते ४:१०
कुवेत । कुवेतमा एक जना नेपालीको निधन भएको छ । बुधबार बिहान हृदयघातका कारण भक्तपुर नगरपालिका ८ का ४५ वर्षीय बिक्रम न्याइच्याइँ (श्रेष्ठ) को निधन उनीसँगै बस्ने साथीले जानकारी दिएका छन् ।
उनी विगत ९ महिनादेखि कुवेतको अल अफरा रेडि मिक्स कम्पनीमा काम गर्दे आएका थिए।
साथीले दिएको जानकारीअनुसार बुधबार बिहान उनले आफ्नो छाती दुखेकोले काम गर्न नसक्ने बताएका थिए । समस्या सुपरभाइजर समक्ष लिएर जाँदा सुपरभाइजरको कार्यलयको ढोकामा नै उनी बेहोस भएका थिए।
बेहोस भएका उनीलाई तत्कालै अस्पताल लगिएको थियो । तर अस्पताल पुर्याइएको केही समयमै डाक्टरहरूले उनलाई मृत घोषणा गरेका थिए। घटनाबारे कुवेतस्थित नेपाली राजदूतावासमा जानकारी गराइसकिएको छ ।
२०७६ असार १२ गते ४:१० मा प्रकाशित