आज बढ्यो कि घट्यो सुनको मूल्य ? हेर्नुहोस् …
आजको खबर | प्रकाशित : २०७६ असार १३ गते ७:११
काठमाडौं । आज शुक्रबार नेपाली बजारमा सुनको भाउ स्थिर रहेको छ। मंगलबार इतिहासकै उच्च विन्दूमा पुगेको सुनको भाउ बुधबार ५ सय रुपैयाँले घटेर ६५ हजार रुपैयाँमा कारोबार भएको थियो।
आज शुक्रबार पनि छापावाल सुन प्रतितोला ६५ हजार रुपैयाँमा कारोबार भईरहेको छ भने तेजावी सुन ६४ हजार ७ सय रुपैयाँमा कारोबार भईरहेको नेपाल सुनचाँदी व्यवसायी महासंघले डिसी नेपाललाई जनाएको छ।
आज सुनको भाउ स्थिर रहेपनि चाँदीको भाउ भने ओरालो लागेको छ । आज चाँदी प्रतितोला ७ सय ३० रुपैयाँमा कारोबार भईरहेको छ।
बुधबार चाँदी ७ सय ३५ रुपैयाँमा कारोबार भएको थियो। काठमाडौँ उपत्यका बाहेकका स्थानमा भने सुन चाँदीको मुल्य केही बढी पर्न सक्ने छ।
२०७६ असार १३ गते ७:११ मा प्रकाशित